🔴 महापालिकेच्या नियोजनशून्य कारभाराचा आणखीन एक नमुना.. 🔴 फुले चौक ते शास्त्री चौक दरम्यान अरुंद रस्त्याशेजारीच गटारी 🔴 लाखो रुपयांच्या निधीचा होतोय चुराडा

 

🔴 महापालिकेच्या नियोजनशून्य कारभाराचा आणखीन एक नमुना..

🔴 फुले चौक ते शास्त्री चौक दरम्यान अरुंद रस्त्याशेजारीच गटारी

🔴 लाखो रुपयांच्या निधीचा होतोय चुराडा

सांगली, मिरज आणि कुपवाड शहर महापालिका अधिकाऱ्यांच्या अक्कलशून्य कामाची पद्धत निदर्शनास येत आहे. फुले चौक ते शास्त्री चौक दरम्यान विकास आराखड्याचे (DP PLAN) विचार न करता रस्त्यावरच आरसीसी गटार करून लाखो रुपयांचा निधीचा चुराडा करून ठेकेदाराला पुसण्याचा आणि टक्केवारी लाटण्याचा गैरप्रकाराची चौकशी करून संबंधित अधिकाऱ्यांवर कारवाई करण्याची मागणी मिरज सुधार समितीने केली आहे. 

मिरज शहरातील महाराष्ट्र आणि कर्नाटक या दोन राज्यांना जोडणाऱ्या फुले चौक ते शास्त्री चौक दरम्यान रस्ता शेजारी आरसीसी गटारीचे बांधकाम होत आहे. विकास आराखडा (DP PLAN) मध्ये फुले चौक ते शास्त्री चौक हा रस्ता 80 फुटांचा आहे. मात्र, सद्या या रस्त्यावर केवळ 40 फुटांचे डांबरीकरण केले आहे. अश्या अरुंद रस्त्यावरच अवजड वाहनांची वाहतूक सुरू आहे. त्यामुळे या रस्त्याची रुंदीकरण करणे गरजेचे असताना अवघ्या 40 फुटांच्या डांबरी रस्त्याशेजारी आरसीसी गटारीचे काम सुरू आहे. त्यामुळे रस्ता अरुंद होऊन रस्ताशेजारील  मिळकतधारकांचे अतिक्रमण वाढणार आहे. मात्र, महापालिकेच्या अक्कलशून्य अधिकाऱ्यांच्या प्रताप आणि खाबूगिरीमुळे लाखो रुपये निधी खर्च करून निकृष्ट दर्जाचे काम होत आहे. या कामाचे चौकशी होऊन या कामाचा आदेश देणाऱ्या महापालिका अधिकाऱ्यांवर कारवाई करण्याची मागणी मिरज सुधार समितीचे ऍड. ए. ए. काझी आणि अध्यक्ष राकेश तामगावे यांनी केली आहे.