🔴 सामाजिक एकोप्यासाठी सामाजिक संघटनांचा सहभाग आवश्यक - पोलीस निरीक्षक किरण चौगुले 🔴 मिरज सुधार समितीच्या पदाधिकाऱ्यांनी पोलीस निरीक्षकांची घेतली भेट

Admin October 24, 2025

सामाजिक एकोप्यासाठी सामाजिक संघटनांचा सहभाग आवश्यक - पोलीस निरीक्षक किरण चौगुले

मिरज सुधार समितीच्या पदाधिकाऱ्यांनी पोलीस निरीक्षकांची घेतली भेट

-----------------------------------------------------------------------------------

मिरज शहराचे एक वेगळे महत्व आहे. शहरातील सामाजिक एकोपा जपण्यासाठी मिरज सुधार समिती सारख्या सामाजिक संघटनांचा सक्रिय सहभाग आवश्यक असल्याचे मत मिरज शहर पोलीस ठाणे नुतन पोलीस निरीक्षक किरण चौगुले यांनी व्यक्त केले.

मिरज शहरात किरकोळ वैयक्तिक वादातून गेल्या काही दिवसांपासून कायदा व सुव्यवस्थेचा प्रश्न निर्माण झाला आहे. याच कालावधीत मिरज शहर पोलीस निरीक्षक किरण चौगुले यांनी नुकतेच मिरज शहर पोलीस ठाण्याचा पदभार स्वीकारला.

शुक्रवारी मिरज सुधार समितीचे ऍड. ए. ए. काझी, अध्यक्ष राकेश तामगावे, कार्यवाह असिफ निपाणीकर, रामलिंग गुगरी, नरेश सातपुते, सलीम खतीब, अभिजीत दाणेकर, झिशान मुश्रीफ, दिनेश तामगावे, सुभान सौदागर आदी सदस्यांनी पोलीस निरीक्षक किरण चौगुले सर यांची भेट घेत सत्कार केला. यावेळी शहरातील वाढणारी गुन्हेगारी, कायदा व सुव्यवस्थेचा प्रश्न निर्माण करणारे बेकायदा डिजिटल फलक, सामाजिक एकोपा टिकविण्यासाठी राबविले जाणारे उपक्रम या विषयांवर चर्चा झाली.